Embedded Files
ಪಾಟ್ಲ್ಯಾ ಸಭಾರ್ ದಿಸಾಂಥಾವ್ನ್ ವಯ್ಲ್ಯಾ ಪೊಟಾಂತ್ ಭರುನ್ ಆಯ್ಲೆಲೆಪರಿಂ ಜಾವ್ನಾಸ್ಲೆಲ್ಯಾನ್ ಸ್ಪೆಶಲಿಸ್ಟ್ ದಾಕ್ತೆರಾಕಡೆ ಗೆಲ್ಲ್ಯಾ ಡೆನಿಸಾಬಾಚ್ಯಾ ಪೊಟಾಚೆಂ ಸ್ಕ್ಯಾನಿಂಗ್ ಕೆಲ್ಲ್ಯಾ ದಾಕ್ತೆರಾನ್ ಡೆನಿಸಾಬಾಚ್ಯಾ ಪಿಂತಾಚ್ಯೆ ಪೊತಿಯೆಂತ್ ಫಾತರ್ ಜಾಲ್ಯಾತ್ ಮ್ಹಣ್ ಸೊಧುನ್ ಕಾಡ್ಲ್ಲೆಂ. ಫಾತ್ರಾಂಸಮೇತ್ ಡೆನಿಸಾಬಾಚಿ ಪಿಂತಾಪೊತಿ ಕಾಡ್ಚೆಂ ಒಪ್ರೇಶನ್ ಕರಯ್ಜೆಚ್ ಮ್ಹಣ್ ದಾಕ್ತೆರಾನ್ ಸಲಹಾ ದಿಲ್ಲಿ. ಪಿಂತಾಫಾತರ್ ತಶೆಚ್ ಸೊಡ್ಲ್ಯಾರ್ ಕಾಳ್ಕಯ್ ಜಾವ್ನ್ ಜಿವಾಕ್ ಅಪಾಯ್ ಆಸಾ ಮ್ಹಣ್ ಸ್ಪೆಶಲಿಸ್ಟಾನ್ ಸಮ್ಜಯಿಲ್ಲೆಂ. ಡೆನಿಸಾಬಾನ್ ಅಸಲೊ ಸಮಸ್ಸೊ ಆಸಾತ್ ಮ್ಹಣ್ ಚಿಂತ್ಲ್ಲೆಂ ಸಯ್ತ್ ನಾ! ಹಿ ಗಜಾಲ್ ಆಪ್ಲ್ಯಾ ಫೆಮಿಲಿ ದಾಕ್ತೆರಾಕ್ ಕಳಯಿಲ್ಲ್ಯಾ ವೆಳಾರ್ ಆಪ್ಲ್ಯಾ ವಳ್ಕಿಚ್ಯಾ ಆನ್ಎಕಾ ತಜ್ಞ್ ದಾಕ್ತೆರಾಕಡೆ ‘ಸೆಕೆಂಡ್ ಒಪಿನಿಯನ್’ ಘೆಂವ್ಕ್ ಫೆಮಿಲಿ ದಾಕ್ತೆರಾನ್ ಚೀಟ್ ಬರವ್ನ್ ದಿಲ್ಲಿ. ತ್ಯಾ ತಜ್ಞ್ ದಾಕ್ತೆರಾನ್ ರೆಡಿಯೋಲೊಜಿಸ್ಟಾಕಡೆ ಪೊಟಾಚೆಂ ಸ್ಕ್ಯಾನ್ ಕರಯ್ತನಾ, ಡೆನಿಸಾಬಾಚಿ ಪಿಂತಾಪೊತಿ ಭಲಾಯ್ಕೆನ್ ಆಸಾ ಮ್ಹಣ್ ಕಳುನ್ ಆಯಿಲ್ಲೆಂ. ಡೆನಿಸಾಬಾಕ್ ಆಸ್ಲ್ಲೊ ಸಮಸ್ಸೊ ಗ್ಯಾಸ್ಟ್ರಯ್ಟಿಸಾಚೊ. ದಿಸಾಕ್ ಎಕಾ ಲೆಕಾನ್ ಗುಳಿ ಸೆವ್ಲೆಲ್ಯಾನ್ ತೀನ್ಂಚ್ ಹಫ್ತ್ಯಾಂನಿ ಗ್ಯಾಸ್ಟ್ರಯ್ಟೀಸ್ ಪಿಡಾ ಗೂಣ್ ಜಾಲ್ಲಿ.
ಜಾಯಿತ್ತ್ಯಾ ಜಣಾಂಕ್ ಅಸಲೊ ಅನ್ಭೊಗ್ ನವೊ ನ್ಹಯ್. ಎಕಾ ದಾಕ್ತೆರಾನ್ ಆಸಾ ಮ್ಹಳ್ಳೊ ಸಮಸ್ಸೊ ದುಸ್ರ್ಯಾಕಡೆ ವೆತನಾ ನಪಂಯ್ಚ್ ಜಾಲ್ಲೊ ಆಸ್ತಾ. ಸರ್ಜರಿ ಕರಿಜೆಚ್ ಮ್ಹಣ್ ಎಕಾ ಸ್ಪೆಶಲಿಸ್ಟಾನ್ ದಿಲ್ಲಿ ಸಲಹಾ ತಸಲ್ಯಾಚ್ ಆನ್ಯೆಕಾ ಸ್ಪೆಶಲಿಸ್ಟಾನ್ ‘ಗರ್ಜ್ ನಾ’ ಮ್ಹಳ್ಳಿ ಆಸ್ತಾ. ಆಪ್ಲ್ಯಾ ಭಲಾಯ್ಕೆಚ್ಯಾ ಸಮಸ್ಯಾಕ್ ಪರಿಹಾರ್ ಜೊಡುಂಕ್ ವೆತಾನಾ ಎಕಾಪ್ರಾಸ್ ಚಡ್ ದಾಕ್ತೆರಾಂಥಾವ್ನ್ ಸಲಹಾ ಜೊಡ್ಚ್ಯಾಕ್ ‘ಸೆಕೆಂಡ್ ಒಪಿನೀಯನ್’ ಘೆಂವ್ಚೆಂ ಮ್ಹಣ್ತಾತ್. ಪ್ರಸ್ತುತ್ ವಯ್ಜಕೀಯ್ ಶೆತಾಂತ್ ಸೆಕೆಂಡ್ ಒಪಿನಿಯನ್ ಮಾನುನ್ ಘೆತ್ಲ್ಲಿ ರೀತ್ ಜಾವ್ನ್, ಅಸಲಿ ಸಲಹಾ ದಿಂವ್ಚೆ ಥೊಡೆ ಜಾಳಿಜಾಗೆಯ್ ಆಸಾತ್.
ಸೆಕೆಂಡ್ ಒಪಿನೀಯನ್ ಘೆತ್ಲ್ಲ್ಯಾನ್ ಪಿಡೆಸ್ತಾಕ್ ಜೊಕ್ತಿ ಚಿಕಿತ್ಸಾ ಮೆಳ್ಚೆ ಅವ್ಕಾಸ್ ಚಡ್ತಾತ್. ಆಯ್ಲೆವಾರ್ ವಯ್ಜಕೀಯ್ ಶೆತಾಂತ್ ವ್ಯಾಪರೀಕರಣ್ ಚಡ್ಲಾಂ, ಪ್ರತ್ಯೇಕ್ ಜಾವ್ನ್ ಕೊರ್ಪೊರೇಟ್ ವ್ಯವಸ್ತಾ ಭಲಾಯ್ಕೆ ಶೆತಾಂತ್ ಚಡ್ಲ್ಲ್ಯಾನ್
Google Sites
Report abuse