ಪ್ರಮುಕ್ ಖಬ್ರೊ

ಕಥೊಲಿಕ್ ಸಭೆಚ್ಯಾ ಮುಕೆಲ್ಪಣಾರ್ ಆಗಸ್ಟ್ 15ವೆರ್ ವಾಮಂಜೂರ್ ಕಾಮೆಲಿ ಸಾಂ. ಜುಜೆಚ್ಯಾ ಫಿರ್ಗಜೆ೦ತ್ ಭಾರತಾಚ್ಯಾ ಸ್ವಾತ೦ತ್ರೋತ್ಸವಾಚೊ ಸಂಭ್ರಮ್ ಚಲ್ಲೊ.

ಸುರ್ವೆರ್ ಘಟಕ್ ಅಧ್ಯಕ್ಷ್ ಮಾನೆಸ್ತ್ ಸಂತೋಷ್ ಸಲ್ದಾನಾನ್ ಸ್ವಾಗತ್ ಕರ್ನ್, ಪ್ರಸ್ತಾವಿಕ್ ಭಾಷಣ್ ಕೆಲೆ೦. ಮುಕೆಲ್ ಸಯ್ರೆ ಜಾವ್ನ್ ಆತ್ಮಿಕ್ ನಿರ್ದೇಶಕ್ ಭೋ|ಮಾ| ಬಾ| ಜೇಮ್ಸ್ ಡಿಸೋಜಾ ಹಾ೦ಣಿ ಧ್ವಜಾರೋಹಣ್ ಕಾರ್ಯೆ೦ ಚಲವ್ನ್ ವ್ಹೆಲೆ೦ ಆನಿ ಆಪ್ಲೊ ಸಂದೇಶ್ ಪಾಟಯ್ಲೊ.

ಸಹಾಯಕ್ ವಿಗಾರ್ ಮಾ| ಬಾ| ಜೀವನ್ ಶೈಲೇಶ್ ಲೋಬೊ, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಚಾರ್ಲ್ಸ್ ಪಾಯ್ಸ್ ಆನಿ ಕಾರ್ಯದರ್ಶಿ ಮಾನೆಸ್ತ್ ಲೊವೆಲ್ ಮೊಂತೇರೋ, 21 ಆಯೋಗಾ೦ಚೊ ಸ೦ಯೋಜಕ್ ಮಾನೆಸ್ತ್ ಅನಿಲ್ ಪಿಂಟೊ, ನಿರ್ಮಾರ್ಗ ಗ್ರಾಮ್ ಪಂಚಾಯತ್ ಸಾಂದೆ ಮಾನೆಸ್ತ್ ಗೊಡ್ವಿನ್ ಡಿಸೋಜಾ ಆನಿ ಮಾನೆಸ್ತಿಣ್  ಶಾಂತಿ ಪಿಂಟೊ ವೆದಿರ್ ಹಾಜರ್ ಆಸ್‌ಲ್ಲಿಂ.

ರಾಜಕೀಯ್ ಸಂಚಾಲಕ್ ಮಾನೆಸ್ತ್ ಸಿಪ್ರಿಯನ್ ಮಿನೇಜಸಾನ್ ಕಾರ್ಯೆ೦ ನಿರ್ವಹಣ್ ಕೆಲೆ೦, ಮಾನೆಸ್ತಿಣ್ ರೀಟಾ ಲುವಿಸಾನ್ ಪಥ ಸಂಚಲನ್ ಕಾರ್ಯೆ೦ ಚಲವ್ನ್ ವ್ಹೆಲೆ೦, ಕಾರ್ಯದರ್ಶಿ ಶ್ರೀಮತಿ ಪ್ರೀತಿ ನಜರೆತಾನ್  ವೆದಿರ್ ಆಸ್‌ಲ್ಲ್ಯಾ ಮಾನೆಸ್ತಾ೦ಚೊ, ಜಮ್ಲೆಲ್ಯಾ ಸರ್ವ್ ಫಿರ್ಗಜ್‌ಗಾರಾ೦ಚೊ, ಕಥೋಲಿಕ್ ಸಭೆಚ್ಯಾ ಕಾರ್ಯ ಕರ್ತಾ೦ಚೊ ಉಪ್ಕಾರ್ ಭಾವುಡ್ಲೊ. ಹ್ಯಾ ಕಾರ್ಯಾಕ್ ಗೊಡ್ಶೆಂ ದೀವ್ನ್ ಮಾನೆಸ್ತ್ ಲಿಗೋರಿ ಡಿಸೋಜಾನ್ ಸಹಕಾರ್ ದಿಲಾ.

ಪ್ರೀತಿ ನಜರೆತ್, ಕಾರ್ಯದರ್ಶಿ