ಪ್ರಮುಕ್ ಖಬ್ರೊ

ಕಥೊಲಿಕ್ ಸಭಾ ವಿಟ್ಲ ಘಟಕಾಚ್ಯಾ ಮುಖೆಲ್ಪಣಾರ್, ಸಪ್ಟೆಂಬರ್ 7 ವೆರ್ ಸಮುದಾಯ್ ಭವನಾಚಾ ಮಿನಿ ಸಭಾಸಲಾಂತ್ ಶಿಕ್ಷಕಾಂಚೊ ದೀಸ್ ಆಚರಿಲೊ. ಘಟಕಾಚೊ ಆತ್ಮಿಕ್ ನಿರ್ದೇಶಕ್ ಬಾಪ್ ಐವನ್ ಮೈಕಲ್ ರೊಡ್ರಿಗಸ್ ಕಾರ್ಯಕ್ರಮಾಚೊ ಅಧ್ಯಕ್ಷ್ ಆಸ್‌ಲ್ಲೊ. ಮುಕೆಲ್ ಸಯ್ರೊ ಜಾವ್ನ್ ಬಾಪ್ ಅಶೊಕ್ ರಾಯನ್ ಕ್ರಾಸ್ತಾ ಹಾಜರ್ ಆಸ್‌ಲ್ಲೊ.    ಬಾಪ್ ಅಮಿತ್ ಪ್ರಕಾಶ್ ರೊಡ್ರಿಗಸಾನ್ ಶಿಕ್ಷಕ್ ಜಾವ್ನ್ ಆಪ್ಲೆ ಸೆವೆಚೊ ಅನ್ಬೊಗ್ ವಾಂಟುನ್ ಘೆತ್ಲೊ. ಕಾರ್ಯಕ್ರಮಾಂತ್  ಮಾನೆಸ್ತ್ ದೊ| ಅನಿಲ್ ರೇಗೊಕ್ ಸನ್ಮಾನ್ ಕೆಲೊ. ಉಪ್ರಾಂತ್ ಫಿರ್ಗಜೆಂತ್ಲ್ಯಾ ಸರ್ವ್ ಶಿಕ್ಷಕಾಂಕ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೊ.

     ವೆದಿ ಕಾರ್ಯಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ವಿಜಯ್ ಪಾಯ್ಸ್, ಕಾರ್ಯದರ್ಶಿ ಶ್ವೇತಾ ಪಾಯ್ಸ್, ಆಯೊಗಾಂಚೊ ಸಂಯೋಜಕ್ ರೋಬರ್ಟ್ ಮಸ್ಕರೇನಸ್, ಸಾಂ ಪಾವ್ಲ್ ಕೊವೆಂತಾಚಿ ವ್ಹಡಿಲ್ನ್ ಸಿ| ಜಾನೆಟ್ ಹಾಜರ್ ಆಸ್‌ಲ್ಲಿ.   ಸಾಂದೊ ಮಾನೆಸ್ತಿಣ್ ಶರಲ್ ವಾಜ್ ಹಾಣಿಂ ಶಿಕ್ಷಕಾಂಕ್ ಖೆಳ್ ಖೆಳವ್ನ್ ಮನೊರಂಜನ್ ದಿಲೆಂ.  ಹಾಜರ್ ಜಾಲ್ಲ್ಯಾ ಶಿಕ್ಷಕಾಂ ತರ್ಫೆನ್ ಅನಿತಾ ರೊಡ್ರಿಗಸಾನ್ ಆಪ್ಲಿಂ ಭೊಗ್ಣಾಂ ಉಚಾರ್ಲಿಂ. ಫಿರ್ಗಜೆಂತ್ಲ್ಯಾ 65 ಶಿಕ್ಷಕಾಂನಿ ಹ್ಯಾ ಕಾರ್ಯಾಂತ್ ವಾಂಟೊ ಘೆತ್ಲೊ.     ಕಥೊಲಿಕ್ ಸಭಾ ಅಧ್ಯಕ್ಷ್ ಲೂವಿಸ್ ಮಸ್ಕರೇನಸಾನ್ ಸ್ವಾಗತ್ ಕೆಲೊ. ಕಾರ್ಯದರ್ಶಿ ತೋಮಸ್ ಮಸ್ಕರೇನಸಾನ್ ಧನ್ಯವಾದ್ ಪಾಟಯ್ಲೆ. ಸಾಂದೊ ರೆನಿಟಾ ಪಾಯ್ಸಾನ್ ಕಾರ್ಯೆಂ ಚಲವ್ನ್ ವ್ಹೆಲೆಂ.