ಪ್ರಮುಕ್ ಖಬ್ರೊ

ಸ. 5: ಆಮ್ಚೊ ಸಂದೇಶ್ ಕೊಂಕ್ಣಿ ಮಹಿನ್ಯಾಳ್ಯಾ ಪತ್ರಾಚ್ಯಾ ಮಂಗ್ಳುರ್ ದಿಯೆಸೆಜಿಚ್ಯಾ ಪ್ರತಿನಿಧಿಂಚೆಂ ಸಹಮಿಲನ್ ಇಜಯ್ ಸಾಂ. ಆನ್ನಾ ಫ್ರಾಯರಿಚ್ಯಾ ಸಭಾ ಸಾಲಾಂತ್ ಚಲ್ಲೆಂ.

ಸಾಂ. ಆನ್ನಾ ಫ್ರಾಯರಿಚೊ ವ್ಹಡಿಲ್ ಬಾಪ್ ಜೆರಾಲ್ಡ್ ಲೋಬೊ ಹಾಂಣಿ ಪ್ರಸಾರ್ ಸಂಚಾಲಕ್ ಮಾನೆಸ್ತ್ ವಾಲ್ಟರ್ ಮೊನಿಸ್ ಆನಿ ಸರ‍್ವ್ ವಾರಾಡ್ಯಾಂಚ್ಯಾ ಪ್ರತಿನಿಧಿಂ ಸಂಗಿಂ ಮೆಳೊನ್ ಆಮ್ಚೊ ಸಂದೇಶ್ ಪುಸ್ತಕ್ ವೆದಿರ್ ಸಜಂವ್ಚೆಸವೆಂ ಕಾರ್ಯೆಂ ಉಗ್ತಾಯ್ಲೆಂ. ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ ರಿ. ಕೇಂದ್ರಿಯ್ ಅಧ್ಯಕ್ಶ್ ಮಾನೆಸ್ತ್ ಸಂತೋಶ್ ಡಿಸೋಜಾ ಕಾರ್ಯಾಚೆ ಅಧ್ಯಕ್ಶ್ ಆಸ್‌ಲ್ಲೆ. ಉಡುಪಿ ದಿಯೆಸೆಜಿಚೊ ಮಾಧ್ಯಮ್ ಪ್ರತಿನಿಧಿ ಮಾನೆಸ್ತ್ ಮೈಕಲ್ ರೊಡ್ರಿಗಸ್ ಹ್ಯಾ ಕಾರ‍್ಯಾಕ್ ಮುಕೆಲ್ ಸಯ್ರೊ ಜಾವ್ನ್ ಹಾಜರ್ ಆಸ್‌ಲ್ಲೊ.  ಆಮ್ಚೊ ಸಂದೇಶ್ ಪತ್ರಾಚಿ ನವಿ ವೆಬ್‌ಸೈಟ್ ಕ. ಸಭಾ ಕೇಂದ್ರಿಕ್ ಅಧ್ಯಕ್ಷ್ ಮಾನೆಸ್ತ್ ಸಂತೋಶ್ ಡಿಸೋಜಾ ಹಾಂಣಿ ಉಗ್ತಾಯ್ಲಿ.

ಮುಕೆಲ್ ಸಯ್ರೊ ಮಾನೆಸ್ತ್ ಮೈಕಲ್ ರೊಡ್ರಿಗಸ್ ಉಲವ್ನ್, ಆಜ್‌ಕಾಲ್ ಪತ್ರಾಂ ವಾಚ್ಪಿ ಉಣೆ ಜಾಲ್ಯಾತ್ ಮ್ಹಳ್ಳೊ ಆಕಾಂತ್ ಆಸಾ. ಆರ್ಥಿಕ್ ಅಡ್ಚಣೆಕ್ ಲಾಗುನ್ ಜಾಯ್ತಿಂ ಪತ್ರಾಂ ಬಂಧ್ ಪಡ್ಲ್ಯಾಂತ್. ಥೊಡ್ಯಾ ಪತ್ರಾಂನಿ ತಾಂಚಿಂ ಪಾನಾಂ ಉಣಿಂ ಕೆಲ್ಯಾಂತ್. ಪುಣ್ ಆಮ್ಚೊ ಸಂದೇಶ್ ಆಪ್ಲ್ಯಾ ಪ್ರತಿನಿಧಿಂಚ್ಯಾ ಆನಿ ಕಥೊಲಿಕ್ ಸಭಾ ಕಾರ್ಯಕರ್ತಾಂಚೆ ಮಿನತೆನ್ ಆಜ್ ಕೊಂಕ್ಣಿ ಪತ್ರಿಕೋದ್ಯಮಾಂತ್ ನಂ.1 ಸ್ಥಾನಾರ್ ಆಸಾ.  ಆತಾಂ ಏಕ್ ಮೇಟ್ ಫುಡೆಂ ವಚುನ್, ವೆಬ್‌ಸೈಟಿ ಮುಕಾಂತ್ರ್ ಲೊಕಾಕ್ ಪಾವೊಂಕ್ ಕೆಲ್ಲೆಂ ಪ್ರೇತನ್ ಹೊಗ್ಳಿಕೆಚೆಂ ಅಶೆಂ ಅಭಿಪ್ರಾಯ್ ಉಚಾರ‍್ಲಿ.

ಸಂಪಾದಕ್ ವಿಲ್‌ಫ್ರೆಡ್ ಲೋಬೊ ಪಡೀಲ್ ಹಾಂಣಿ ಆಮ್ಚೊ ಸಂದೇಶ್ ಪತ್ರಾಚ್ಯಾ ಪ್ರಸ್ತುತ್ ಪರಿಗತೆವಿಶಿಂ ಝಳಕ್ ಆನಿ ಪ್ರಾಯೋಜಕ್ಪಣಾವಿಶಿಂ ಮಾಹೆತ್ ದಿಲಿ. ಸರ‍್ವ್ ವಾರಾಡೊ ಸಂದೇಶ್ ಪ್ರತಿನಿಧಿಂನಿ ಆಪ್ಲ್ಯಾ ಕಾರ‍್ಯಾಯೋಜನಾಚೊ ವಿವರ್ ದಿಲೊ. ಕೇಂದ್ರಾಚೊ ಮಾಜಿ ಅಧ್ಯಕ್ಷ್ ಆನಿ ಪಿಆರ್‌ಒ ಮಾನೆಸ್ತ್ ರೊಲ್ಫಿ ಡಿಕೊಸ್ತಾನ್ ಸಂದೇಶ್ ಪ್ರತಿನಿಧಿಂಕ್ ಮಾರ್ಗದರ್ಶನ್ ದಿಲೆಂ.

2025-26ವ್ಯಾ ವರ‍್ಸಾ ಅತ್ಯಧಿಕ್ ಜಾಹೀರಾತಾಂ ಜಮಯಿಲ್ಲ್ಯಾ ಬಂಟ್ವಾಳ್ ವಾರಾಡ್ಯಾಕ್ ಆನಿ ನಿರ್ಕಾಣ್ ಘಟಕಾಕ್ ತಶೆಂಚ್ ಅತ್ಯಧಿಕ್ ವರ್ಗಣ್ಯೊ ಜಮಯಿಲ್ಲ್ಯಾ ವಾಮಂಜೂರ್, ಇಜಯ್ ಆನಿ ಸಿದ್ದಕಟ್ಟೆ ಘಟಕಾಕ್ ಉಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೊ. ಪ್ರಸಾರ್ ಸಂಚಾಲಕ್ ವಾಲ್ಟರ್ ಮೊನಿಸ್ ಹಾಂಣಿ ಯೆವ್ಕಾರ್ ಮಾಗ್ಲೊ. ಲೊರೆನ್ಸ್ ಡಿಸೋಜಾ ಆನಿ ಲವಿನಾ ಗ್ರೆಟ್ಟಾ ಡಿಸೋಜಾ ಹಾಂಣಿ ಕಾರ್ಯೆಂ ನಿರ್ವಹಣ್ ಕೆಲೆಂ. ಅರುಣ್ ಡಿಸೋಜಾ ನೇಜಿಗುರಿ ಹಾಣೆ ಸಹಕಾರ್ ದಿಲೊ.