ಪ್ರಮುಕ್ ಖಬ್ರೊ

ಸಪ್ಟೆಂಬರ್ 28: ಕಾಮೆಲಿ ಸಾಂ ಜುಜೆ ಫಿರ್ಗಜ್, ಕಥೊಲಿಕ್ ಸಭಾ ವಾಮಂಜೂರ್ ಘಟಕ್ ಆನಿ ಎಕ್ತಾರ್ ಸಂಘಟನ್, ಲಾಯಿಕ್ ಆಪೊಸ್ತಲಾದಿಚ್ಯಾ ಆಯೋಗಾ ಸಾಂಗಾತಾ ಮೆಳೊನ್ ಮಾಲ್ಘಡ್ಯಾಂಚೊ ದಿವಸ್ ಫಿರ್ಗಜ್ ಸಭಾ ಸಾಲಾಂತ್ ಆಚರಿಲೊ.

ಕಾರ್ಯಚೊ ಅಧ್ಯಕ್ಷ್ ಮಾನೆಸ್ತ್ ಸಂತೋಷ್ ಸಾಲ್ಡಾನ್ಹಾ, ಕಾರ್ಯಾಚೆ ಉದ್ಘಾಟಕ್ ಭೋ|ಮಾ|ಬಾ ಜೇಮ್ಸ್ ಡಿಸೋಜಾ ವಿಗಾರ್ ಆನಿ ಆತ್ಮಿಕ್ ನಿರ್ದೇಶಕ್, ಭೋ|ಮಾ|ಬಾ ಡೊಮಿನಿಕ್ ಪಿಂಟೊ ದಿವ್ಯಧಾಮ ಸೆಮಿನರಿ ಮೂಡುಬೆಳ್ಳೆ ತಶೆಂಚ್ ಮಾ|ಬಾ ಜೀವನ್ ಶೈಲೇಶ್ ಲೊಬೊ ಸಹಾಯಕ್ ವಿಗಾರ್, ಮಾನೆಸ್ತ್ ಚಾರ್ಲ್ಸ್ ಪಾಯ್ಸ್ ಉಪಾಧ್ಯಕ್ಷ್ ಫಿರ್ಗಜ್ ಗೊವ್ಳಿಕ್ ಪರಿಷದ್, ಮಾನೆಸ್ತ್ ಲೊವೆಲ್ ಮೊಂತೇರೊ ಕಾರ್ಯದರ್ಶಿ ಫಿರ್ಗಜ್ ಗೊವ್ಳಿಕ್ ಪರಿಷದ್, ಮಾನೆಸ್ತ್ ಅನಿಲ್ ಪಿಂಟೊ  ಅಯೋಗಾಂಚೊ ಸಂಯೋಜಕ್, ಮಾನೆಸ್ತ್ ಜೋಕಿಂ ಡಿಸೋಜಾ ಎಕ್ತಾರ್ ಅಯೋಗಾಚೊ ಸಂಚಾಲಕ್, ಮಾನೆಸ್ತಿಣ್ ಪ್ರೀತಿ ನಜರೆತ್ ಕಾರ್ಯದರ್ಶಿ ಕಥೊಲಿಕ್ ಸಭಾ ಆನಿ ಮಾನೆಸ್ತ್ ಪ್ಯಾಟರ್ಸನ್ ಡಿಸೋಜಾ ಕಾರ್ಯಚೊ ಸಂಚಾಲಕ್ ವೆದಿಚೆರ್ ಹಾಜರ್ ಆಸಲ್ಲೆ. 

ಕಥೊಲಿಕ್ ಸಭಾ ವಾಮಂಜೂರ್ ಘಟಕ್ ಅಧ್ಯಕ್ಷಾನ್ ಮಾನಾಚ್ಯಾ ಸಯ್ರ್ಯಾಂಕ್ ಸ್ವಾಗತ್ ಕರುನ್ ಝಡಾಂ ದೀವ್ನ್ ಮಾನ್ ಕೆಲೊ. ಕಥೊಲಿಕ್ ಸಭಾ ಘಟಕಾಚ್ಯಾ ಸಾಂದ್ಯಾಂನಿ ಮಾಗ್ಣ್ಯಾವಿಧಿ ಚಲೊವ್ನ್ ವ್ಹೆಲಿ. ವಿಗಾರ್ ಬಾಪಾಂನಿ ತಶೆಂಚ್ ವೆದಿರ್ ಹಾಜರ್ ಆಸ್‌ಲ್ಲ್ಯಾ ಸರ್ವ್ ಮಾನಾಚ್ಯಾ ಸಯ್ರ್ಯಾಂನಿ ಸಾಂಗಾತಾ ಮೆಳೊನ್ ಕಾರ್ಯಾಚೆಂ ಉದ್ಘಾಟನ್ ಕೆಲೆಂ.

ಆತ್ಮಿಕ್ ನಿರ್ದೇಶಕ್ ಭೋ|ಮಾ|ಬಾ ಜೇಮ್ಸ್ ಡಿಸೋಜಾ ಉಲೊವ್ನ್  ಮಾಲ್ಘಡಿ ಜಾವ್ನಾಸಾತ್ ಪವಿತ್ರ್ ಸಭಾ ಬಾಂಧುನ್ ಹಾಡುಂಕ್ ಆಧಾರ್. ಕುಟ್ಮಾಂನಿ ಶಿಸ್ತ್ ಆನಿ ಭಕ್ತ್ ರುತಾ ಕರುಂಕ್ ತಾಂಚೊ ಸಹಕಾರ್ ಭೋವ್ ಗರ್ಜೆಚೊ ಆನಿ ಮೊಲಾಧಿಕ್. ಆಜ್ ಆಮ್ಚ್ಯಾ ಕುಟ್ಮಾಂನಿ ಕಾಜಾರಿ ಜೊಡಿ ಏಕಾಮೆಕಾ ಮೋಗ್ ಸೊಸ್ಣಿಕಾಯ್ ಆನಿ ಸಂತೊಸಾನ್ ಜಿಯೆತಾತ್ ಜಾಲ್ಯಾರ್ ವ್ಹಡಿಲಾಂಚಿ ಬರಿ ದೇಖ್ ಪ್ರಮುಖ್ ಸಾಕ್ಸ್. ಮ್ಹಣ್ ಅಪ್ಲೊ ಸಂದೇಶ್ ದಿಲೊ.

ಉಪ್ರಾಂತ್ ಕಾರ್ಯನಿರ್ವಾಹಕ್ ಮಾನೆಸ್ತ್ ರೋಷನ್ ರೊಕ್ಕೊನ್ ಮಾಲ್ಘಡ್ಯಾಂಖಾತಿರ್ ಥೊಡೆ ಖೆಳ್ ಮನೋರಂಜನ್ ದೀವ್ನ್ ಮಾಲ್ಘಡ್ಯಾಂಕ್ ಉರ್ಬೆಸ್ತ್ ಕೆಲೆಂ.  ಪ್ರಮುಖ್ ಉಲೊವ್ಪಿ ಭೋ|ಮಾ|ಬಾ ಡೊಮಿನಿಕ್ ಪಿಂಟೊ ಹಾಂಣಿ ಮಾಲ್ಘಡ್ಯಾಂಕ್ ಜೊಕ್ತಿ ಮಾಹೆತ್ ದಿಲಿ.  ತ್ಯಾ ನಂತರ್ ಮಟ್ವೆಂ ವೆದಿ ಕಾರ್ಯೆಂ ಆಸಾ ಕರುನ್ ಖೆಳಾಂತ್ ಜಿಕ್ಲೆಲ್ಲ್ಯಾಂಕ್ ಮಾನಾಚ್ಯಾ ಸಯ್ರ್ಯಾಂನಿ ಇನಾಮಾಂ ವಾಂಟ್ಲಿಂ. ಕಾರ್ಯಾಚೊ ಸಂಚಾಲಕ್ ಮಾನೆಸ್ತ್ ಪ್ಯಾಟರ್ಸನ್ ಡಿಸೋಜಾನ್ ಧನ್ಯವಾದ್ ಪಾಟಯ್ಲೆ.