ಪ್ರಮುಕ್ ಖಬ್ರೊ

ಕಾಸರಗೋಡು ಚಿನ್ನಾಕ್‌ 21 ವೊ ಕಲಾಕಾರ್‌ ಪುರಸ್ಕಾರ್ 

ಕರ್ನಾಟಕ ಕೊಂಕ್ಣಿ ಸಾಹಿತ್ಯ್‌ ಅಕಾಡೆಮಿಚೊ ಅಧ್ಯಕ್ಷ್‌ ಜಾವ್ನ್‌ ಜಾಯ್ತಿಂ ಕಾರ್ಯಿಂ ಘಡೊವ್ನ್‌ ಹಾಡ್ಲ್ಯಾಂತ್.‌ ʻಘರ್‌ ಘರ್‌ ಕೊಂಕಣಿʼ ಮ್ಹಳ್ಳ್ಯಾ ವಿಭಿನ್ನ್‌ ಕಾರ್ಯಾ ಮುಖಾಂತ್ರ್‌ ಕೊಂಕ್ಣಿಚ್ಯಾ ಸರ್ವ್‌ ಸಮುದಾಯಾಂ ಮಧೆಂ ಭಾಷಾಭಿಮಾನ್‌ ವಾಡೊಂವ್ಚೊ ವಾವ್ರ್‌ ಕೆಲಾ. ಆಪ್ಲ್ಯಾ ರಂಗ ಚಿನ್ನಾರಿ ಟ್ರಸ್ಟಾ ಮುಖಾಂತ್ರ್‌ ಸಬಾರ್‌ ಸಾಂಸ್ಕೃತಿಕ್‌ ಕಾರ್ಯಿಂ ಮಾಂಡುನ್‌ ಹಾಡ್ತಾ. ಸಾಹಿತ್ಯಾಕೀ ತಾಚಿ ದೆಣ್ಗಿ ಆಸಾ. ʻತೀಸ್‌ ಕಾಣಿಯೊʼ ಅನುವಾದ್‌ ಪುಂಜ್ಯಾಕ್‌ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಪುಸ್ತಕ ಪುರಸ್ಕಾರ್‌ ಲಾಬ್ಲಾ. ಕೊಂಕ್ಣಿ ಅಕಾಡೆಮಿಚಿ ಗೌರವ್‌ ಪ್ರಶಸ್ತಿ, ಕರ್ನಾಟಕ ನಾಟಕ ಅಕಾಡೆಮಿ ಪ್ರಶಸ್ರಿ, ಕೇರಳ ರಾಜ್ಯೋತ್ಸವ ಪ್ರಶಸ್ತಿ ಸವೆಂ ನಾಟಕ್‌ ಶೆತಾಂತ್‌ ರಾಜ್ಯ್‌ ಆನಿ ರಾಷ್ಟ್ರ್‌ ಮಟ್ಟಾಚ್ಯಾ ಪ್ರಶಸ್ತೆ ಸವೆಂ ಸಬಾರ್‌ ಮಾನ್‌ ಸನ್ಮಾನ್‌ ತಾಕಾ ದೇಶ್‌ ವಿದೇಶಾಂನಿ ಲಾಬ್ಲ್ಯಾತ್.‌

ಸನ್ಮಾನ್‌ ಕಾರ್ಯಾ ಉಪ್ರಾಂತ್‌ ಮ್ಹಯ್ನ್ಯಾಳಿ ಮಾಂಚಿಯೆಚೆಂ 287 ವೆಂ ಕಾರ್ಯೆಂ ಜಾವ್ನ್ ಮ್ಯಾಕ್ಸಿಮ್‌ ಪಿರೇರಾ ಆನಿ ಪಂಗ್ಡಾ ಥಾವ್ನ್‌ 17 ವಿ ಮ್ಯಾಕ್ಸಿಮ್‌ ನೈಟ್‌ ಸಾದರ್‌ ಜಾತಲಿ.

ಕೊಂಕ್ಣಿ ಸಾದರ್ ಕಲೆಚ್ಯಾ ಕಲಾಕಾರಾಂಕ್ ಮಾನ್ ಕರುಂಕ್ 2005 ಇಸ್ವೆಂತ್ ಗೊಂಯ್ಚೊ ಭಾಶೆ ಗಿನ್ಯಾನಿ ಬಾಪ್ ಪ್ರತಾಪ್ ನಾಯ್ಕ್ ಹಾಣೆಂ `ಕಾರ್ವಾಲ್ ಘರಾಣೆಂ' ನಾಂವಾರ್ ಆನಿ ಮಾಂಡ್ ಸೊಭಾಣ್ ಸಂಸ್ಥ್ಯಾಚ್ಯಾ ಆಸ್ರ್ಯಾಖಾಲ್ ಹೊ ಪುರಸ್ಕಾರ್ ಸ್ಥಾಪಿತ್ ಕೆಲ್ಲೊ. ಎದೊಳ್ಚ್ಯಾಕ್ ಅರುಣ್‍ರಾಜ್ ರೊಡ್ರಿಗಸ್ (ನಾಟಕ್), ಜೊಯೆಲ್ ಪಿರೇರಾ (ಸಂಗೀತ್), ಹ್ಯಾರಿ ಡಿಸೊಜಾ (ಬ್ರಾಸ್ ಬ್ಯಾಂಡ್), ಮಾ. ಬಾ. ಚಾರ್ಲ್ಸ್ ವಾಸ್ (ಭಕ್ತಿ ಸಂಗೀತ್), ಅನುರಾಧಾ ಧಾರೇಶ್ವರ್ (ಸಂಗೀತ್), ಸಂತ ಭದ್ರಗಿರಿ ಅಚ್ಯುತದಾಸ್, ಬೆಂಗ್ಳುರ್ (ಹರಿಕಥಾ), ಜೇಮ್ಸ್ ಲೊಪಿಸ್, ಹೊನ್ನಾವರ್ (ಬ್ರಾಸ್ ಬ್ಯಾಂಡ್), ನೊರ್ಬರ್ಟ್ ಗೊನ್ಸಾಲ್ವಿಸ್ (ವ್ಹಾಜಾಂತ್ರಿ), ಫ್ರಾನ್ಸಿಸ್ ಫೆರ್ನಾಂಡಿಸ್ ಕಾಸ್ಸಿಯಾ (ನಾಟಕ್), ರೋಶನ್ ಡಿಸೋಜ (ಸಂಗೀತ್), ಕ್ರಿಸ್ಟೋಫರ್ ಡಿಸೋಜ (ನಾಟಕ್), ಆವಿಲ್ ಡಿಕ್ರೂಜ್ (ನಾಚ್) ಎಂ. ಗೋಪಾಲ ಗೌಡ (ಲೋಕ್‍ವೆದ್), ಡೊಲ್ಲಾ ಮಂಗ್ಳುರ್ (ನಾಟಕ್), ಐರಿನ್ ರೆಬೆಲ್ಲೊ (ವೊವಿಯೊ-ವೇರ್ಸ್), ಅನಿತಾ ಡಿಸೋಜ (ಗಾಯಾನ್), ನಿಹಾಲ್ ತಾವ್ರೊ (ಗಾಯಾನ್), ಮೆಲ್ವಿನ್ ಪೆರಿಸ್ (ಸಂಗೀತ್), ಆಪೊಲಿನಾರಿಸ್ ಡಿಸೋಜ (ಗಾಯಾನ್) ಹಾಂಕಾಂ ಹೊ ಪುರಸ್ಕಾರ್ ಫಾವೊ ಜಾಲಾ.