ಪ್ರಮುಕ್ ಖಬ್ರೊ

ಉಡುಪಿ ದಿಯೆಸೆಜಿಚೆ ಗೊವ್ಳಿಬಾಪ್ ಅ. ಮಾ. ದೊ ಜೆರಾಲ್ಡ್ ಐಸಾಕ್ ಲೋಬೊನ್ ಕಾರ್ಯಾಚೆಂ ಉದ್ಘಾಟನ್ ಕರುನ್, ಭುರ‍್ಗ್ಯಾಂನಿ ಸ್ವಷ್ಟ್ ಉದ್ದೇಶ್ ದವರುನ್ ಪರಿಶ್ರಮ್ ಕರುಂಕ್ ಆನಿ ಸ್ಪರ‍್ದಾತ್ಮಕ್ ಪರೀಕ್ಷೆಂಕ್ ತಯಾರಾಯ್ ಕರುಂಕ್ ಉಲೊ ದಿಲೊ. ಮುಖೆಲ್ ಸಯ್ರೊ, ಇಸ್ರೋ ವಿಜ್ಞಾನಿ ರಿಚಾರ‍್ಡ್ ಪಿಂಟೊನ್ ಆಪ್ಲಿ ಜಿವಿತಾಚಿ ವಾಟ್ ಭುರ‍್ಗ್ಯಾಂ ಮುಕಾರ್ ದವರುನ್ ಇಸ್ರೋಂತ್ ಅಸ್ಚ್ಯಾ ಆವ್ಕಾಸಾಂವಿಶಿಂ ಮಾಹೆತ್ ದಿಲಿ. ಶ್ರೇಯಾನ್ಸ್ ಗೋಮ್ಸಾನ್ -ಭುರ‍್ಗ್ಯಾಂಕ್ ತಾಂಕಾಂ ಖಂಚ್ಯಾ ವಿಶಯಾಚೆರ್ ಆಸಕ್ತ್ ಆಸಾ ತಿ ವಾಟ್ ವಿಂಚುಂಕ್ ಆನಿ ಸ್ವಷ್ಟ್ ಉದ್ದೇಶ್ ದವರುನ್ ಉಪ್ರಾಂತ್ ಕಠಿಣ್ ಪ್ರಯತ್ನ್ ಕರುಂಕ್ ಉಲೊ ದಿಲೊ. ಕಾರ್ಯಾಚೊ ಪ್ರಯೋಜಕ್ ಮಾನೇಸ್ತ್ ಜೋನ್ ಅನಿ ಪತಿಣ್ ಗ್ಲೇಡಿಸ್ ಡಿ’ಸಿಲ್ವಾಕ್ ಸನ್ಮಾನ್ ಕೆಲೊ.

ಕಥೊಲಿಕ್ ಸಭಾ ಉಡ್ಪಿ ಪ್ರದೇಶ್ ಅಧ್ಯಕ್ಷ್ ಮಾನೆಸ್ತ್ ರೊನಾಲ್ಡ್ ಆಲ್ಮೇಡಾನ್ ಕಾರ್ಯಾಚೆಂ ಅಧ್ಯಕ್ಪ್‌ಪಣ್ ಘೆವ್ನ್ ಸಂದೇಶ್ ದಿಲೊ.  ವೆದಿಚೆರ್ ಸೈರೆ ಜಾವ್ನ್ ಕಥೊಲಿಕ್ ಸಭೆಚೊ ನಿಕಟ್‌ಪೂರ‍್ವ್ ಅಧ್ಯಕ್ಷ್ ಸಂತೋಷ್ ಕರ್ನೇಲಿಯೊ, ಖಜನ್ದಾರ್ ಉರ್ಬನ್ ಲೂವಿಸ್,  ಕಾರ್ಯದರ್ಶಿ ಜೋಯಲ್ ಆಲ್ಮೇಡಾ ಹಾಜರ್ ಆಸ್‌ಲ್ಲೆ.

ಕಾರ್ಯಾಚೊ ಸಂಯೋಜಕ್ ಡಾ.ಜೆರಾಲ್ಡ್ ಪಿಂಟೊನ್ ಯೆವ್ಕಾರ್ ಮಾಗ್ಲೊ, ಕಥೊಲಿಕ್ ಸಭಾ - ಕೆಂದ್ರೀಯ್ ಕಾರ್ಯದರ್ಶಿ ಜೋಯಲ್ ಆಲ್ಮೇಡಾನ್ ಉಪ್ಕಾರ್ ಆಟಾಯ್ಲೊ. ಎರಿಕ್ ಸೋನ್ಸ್ ಬಾರ್ಕೂರ್ ಹಾಣೆ ಕಾರ್ಯೆಂ ಚಲಯ್ಲೆಂ.